Vəfalım Mənim

"Vəfalım Mənim" Əlibala Hacızadənin 1974-cü ildə çap olunmuş "Təyyarə Kölgəsi" romanının davamıdır. Əsərdə elm sahəsində çalışan ziyalılarımızın maraqlı, eyni zamanda çətin axtarışlarla dolu həyatından, onların prinsipiallıq, xeyirxahlıq, nöqsanlarla barışmazlıq kimi yüksək mənəvi keyfiyyətlərindən, gənc kadrlara göstərilən qayğıdan bəhs olunur. Oxucu burada ziyalılarımızın müxtəlif nəsillərini təmsil edən professor Salman Qurbanzadə, akademik Aslanzadə, Osmanzadə, Gülmirə, Cəfər, Nadirə, Sakit və başqaları kimi obrazlarla rastlaşacaqdır. Romanda məhəbbətdə və dostluqda sədaqət kimi yüksək mənəvi keyfiyyət tərənüm olunur.