Her Şey Seninle Başlar

Mümin Sekman adı çox hallandığı və Ahmet Şerif İzgören ilə müqayisə edildiyi üçün oxumaq ehtiyacı duydum ki, fikir sahibi olum.
Dedim bəlkə, hamı haqlıdır, mən yanılıram. Oxudum indi sizi də agah eləyim.
Kitabı oxuduğum müddətdə, diqqətli bir oxucu olduğumdan, həm yazılış tərzinə baxıram, həm də yazarın üslubuna.
Yazar, əvvəla səmimi kimi görünməyə çalışır, amma səmimi deyil. Facebook və Sosyal Medya "geyik"lərindən toplama bir kitab ancaq bu qədər olardı.
Kitabın içində bəzi faydalı biliklər var ki, irəlidə işimə də yaraya bilər, ancaq bunlar o qədər azdır ki, Beyoğlunda hansısa tanışını telefonsuz axtarmaq kimidir. Samanlıqda iynə axtarmağa bənzəyir.
Bir də təəssüfverici məqam budur ki, Mümin Sekman oxuculara müştəri gözü ilə baxır və özü də satış agenti kimi davranır. Hər vəchlə, hər addımda daimi olaraq oxuculara kitabı sırımağa çalışır. İşini yaxşı görməyi təbliğ etsə də, məncə Şəxsi İnkişaf Mütəxəssisi olaraq işini yaxşı görmür. Sadəcə insanlara kitab satmağa çalışır.